ҚР Конституциясының 25 жылдығы аясында тоғызқұмалақтан батысқазақстандық жасөспірімдер арасында онлайн жарыс ұйымдастырылды.
Бұл жарысқа Орал қаласы, Бөрлі, Бәйтерек, Сырым, Тасқала, Жаңақала аудандарынан 100-ге жуық спортшы қатысып, сайысқа түсті. Екі күнге созылған ақыл-ой додасында 10 жасқа дейінгі ұлдар арасынан Бекнұр Тұрсынбай қола жүлдеге қол жеткізсе, қыздар арасынан алғаш рет пятимарлық Кәусар Әдиет те қола жүлдені қанжығасына байлады. Сайыскерлердің спорттық шеберлігі шыңдалған тартысты жарыстың соңында жүлдегерлер марапатталды.
Айта кетейік, бабы келісіп, бағы жанған жас спортшыларымыздың жаттықтырушылары – Қайрат Маратұлы мен Айнұр Көшеғалиева.
Жаннұр Берікқызы,
Жаңақала ауданы
zhaikpress.kz
