26-30 қазан күндері Ақтөбе қаласында 2012-2013 жылы туған жасөспірімдер арасында волейболдан ҚР чемпионатының іріктеу кезеңі өтті.
Еліміздің түкпір-түкпірінен 11 команда қатысқан аталмыш ойында аудандық «Jastar» спорт клубының «Құрманғазы» командасы да бақ сынады. Мерхан Демеуов жетекшілік еткен қыздар құрамасы жарыс қорытындысында 3 орынды еншілеп, қоржынымызды алқаларға толтырды.
Ал команда мүшесі Аяна Ізбасарова «Үздік ойыншы» аталымына лайық деп танылды.
Қазақстан Республикасының қысқы чемпионатына жолдама алған аруларымызды кезекті жүлделерімен құттықтай отырып, жаңа белестерді бағындыруға тілекшіміз.
Айзада Ақбасова
Жаңақала ауданы
