Бүгін Жаңақала ауданының әкімі Наурызбай Қарағойшин «Елбасы медалінің» қола жүлдегері Нұрайзат Маратованы арнайы қабылдап, марапаттады. «Елбасы медалі» - жастарды кешенді дамытуға бағытталған ұлттық деңгейдегі жалғыз бағдарлама. Бағдарлама 14 пен 29 жас аралығындағы жастарға арналған. Жобаға қатысу арқылы, жастар өз уақытын басқаруға, мақсат қоюға және оларға жүйелі түрде қол жеткізуге, салауатты өмір салтын ұстануға және үнемі өзін-өзі дамытуға үйренеді.
Жеңіске жету үшін дарынды жас 6 ай бойы спорт және дене шынықтыру, дарындар мен дағдылар, кітап оқу, ұлттық мұра, еріктілік бағыттары бойынша қабілеттерін шыңдады. Арнайы берілген тапсырмаларды орындап, мыңдаған жас қазақстандықтармен бірге өз-өзін дамыта білді. Бірнеше бағыт бойынша жұмыстанып, керемет нәтиже көрсеткен Карманов мектеп бөбекжай балабақшасы кешенінің 11-сынып оқушысы Нұрайзат Мұнарқызы (жетекшісі Айымгүл Жасұланқызы) «Елбасы медалі» жобасының қола медалімен және төс белгісімен марапатталды. Осындай дарынды ұрпақты өмірге әкеліп, тәрбиелеген Нұрайзат Маратованың әкесі Мұнар Маратұлына аудан басшысы алғыс хат табыстады.
Ақсәуле Сексенбайқызы,
Жаңақала ауданы
zhaikpress.kz
