Жуырда Орал қаласында өткен облыстық «Үздік дене шынықтыру педагогі – 2024» байқауында Жаңақала ЖОББМ дене шынықтыру пәнінің мұғалімі Шапағат Ермекқалиев жүлделі II орынды қанжығасына байлап, аудан мерейін асқақтатты.
Жарыстың басты мақсаты – дене шынықтыру педагогтерінің шығармашылық бастамасын қолдап, кәсіби өсуіне жәрдемдесіп, мұғалімдер еңбегінің беделін асыру.
Сайыс 2 күнге созылып, III кезең бойынша 10 маман бақтарын сынады. Алғашқы «Заманауи дене шынықтыру сабағы» кезеңінде қазіргі уақыттың талабына сай түрде оқушылардың қызығушылықтарын оята отырып, түрлі әдістерді қолданып ашық сабақ жүргізді. Келесі «Креативті педагог» бөлімінде мұғалімдік мамандықты таңдаудағы басты мақсаттарын айтып, атқарған қызметтері және кәсіби тәжірибелерімен бөлісті. Соңғы «Үздік спорттық-бұқаралық іс-шара» кезеңінде болашақ спортшыларды шыңдайтын түрлі бағытта өткізілген сайыстар, отбасылық шаралар және де ерекше жүргізілген сабақтарымен таныстырды.
Фариза Махамбетова,
Жаңақала ауданы
