18-20 сәуір аралығында Ақтөбе қаласында Ұлы Жеңістің 80 жылдығына орай ҚР спорт шебері, әрі еңбек сіңірген жаттықтырушысы Айдар Байназарұлының жүлдесіне арналған ашық республикалық турнир өтті.

Жасөспірімдер мен қыздар арасында дзюдо күресінен жерлес сіңіліміз Әдина Санжарқызы жүлделі 3-орынға аяқ тіреген болатын. Қарсыластарынан қалыспай, белдесу барысында үздік үштікке іліккен спортшының бапкері Ернар Аманжолұлының да еңбегі зор екенін атап өту керек. Жеңімпазға жаңа жетістіктер мен биік белестер тілейміз.
Ақерке Ғилымхан
Жаңақала ауданы