Қаратөбе ауданында БҚО мәдениет қызметкерлері арасында шағын футболдан дәстүрлі облыстық турнир өтті.
9 команда қатысқан жарысқа Жаңақала ауданының футболшылары да жасыл алаңда өз шеберліктерін байқатты. Турнир қорытындысы бойынша І орын қаратөбеліктерге, ІІ орын бөрліліктерге бұйырса, жерлестеріміз ІІІ орынның биігінен көрініп, қаржылай марапатқа ие болды.
Команда мүшелері Мерхан Демеуов «Үздік қорғаушы», Нұрлыбек Нұртайұлы «Үздік қақпашы» аталымдарына лайық деп танылды.
Спортты жандарына серік еткен жастарымыз осындай жарыстардың алдағы уақытта да жалғасын таба беретініне мол сеніммен қарайды.
Айзада Ақбасова
Жаңақала ауданы
