Жәнібек ауданы әкімі Тимур Шиниязовтың 2024 жылғы 22 шілдедегі №105-ө өкімімен Миранбек Ибатов Жәнібек аудандық ішкі саясат бөлімінің басшысы болып тағайындалды. Аудан басшысы Тимур Серікұлы жаңа басшыны ұжыммен таныстырып, жаңа қызметіне толайым табыс тіледі.
Миранбек Нұрланұлы 1974 жылы 8 қарашада Батыс Қазақстан облысы Жәнібек ауданы Тегісшіл ауылында дүниеге келген.
Білімі – жоғары.
1998 жылы Орал педогогикалық колледжін «Бастауыш сынып мұғалімі» мамандығы бойынша, 2005 жылы М.Өтемісов атындағы Батыс Қазақстан мемлекеттік университетін «Тарих және география пәндерінің мұғалімі» мамандығы бойынша бітірген.
Еңбек жолын 1991 жылы Орал геофизикалық экспедициясында ІІ разрядты топоотрядта жұмысшы болып бастаған. 1993-2005 жылдары Тегісшіл негізгі білім беретін мектебінде мұғалім, 2005-2006 жылдар аралығында Тегісшіл орта білім беретін мектебінің қосымша білім беру педагогы, 2006-2007 жылдары Жәнібек ауданы әкімі аппаратының ұйымдастыру-бақылау және кадрлармен жұмыс бөлімінің істің орындалуын бақылау жөніндегі бас маманы, 2007-2008 жылдар аралығында Жәнібек ауданы әкімі аппаратының мемлекеттік қызметтер мониторингі және бақылау бөлімінің бас маманы, 2008 жылы маусым-тамыз айлары аралығында Тау ауылдық округінің әкімі, 2008-2009 жылдары Жәнібек ауданы әкімі аппаратының құжаттамалық қамту және қаржы шаруашылық жұмыс бөлімінің бөлім меңгерушісі, 2009-2010 жылдар аралығында Жәнібек аудандық білім беру бөлімінің бас маманы, 2010-2012 жылдары Жәнібек ауданы әкімі аппаратының ұйымдастыру және кадрлармен жұмыс бөлімінің бас маманы, 2012-2013 жылдары Жәнібек ауданы әкімінің бас инспекторы, 2013 жылы тамыз-қазан айларында Жәнібек ауданы әкімі аппаратының ұйымдастыру жұмыстары және мемлекеттік қызметтер мониторингі бөлімінің бас маманы, 2013-2016 жылдар аралығында Жәнібек ауылдық округі әкімінің орынбасары, 2016 жылдың шілде айынан 29 желтоқсан аралығында Жәнібек аудандық жұмыспен қамту және әлеуметтік бағдарламалар бөлімінің басшысы, 2017-2018 жылдары аудандық білім беру бөлімінің басшысы, 2019 жылы ауданның аумақтық сайлау комиссиясы төрағасының орынбасары, 2020-2023 жылдары Жәнібек ауданы әкімдігінің халықты жұмыспен қамту орталығының директоры қызметтерін атқарды.
2023 жылдың 1 шілдесінен күні бүгінге дейін Батыс Қазақстан облысы әкімдігі жұмыспен қамтуды үйлестіру және әлеуметтік бағдарламалар басқармасының «Еңбек мобильділігі орталығы» коммуналдық мемлекеттік мекемесінің «Жәнібек ауданының мансап орталығы» басшысы қызметін атқарып келді.
Отбасылы, 2 қыз тәрбиелеп отыр.
Гүлзара Мәди
Жәнібек ауданы
