Жәнібек ауданының әкімі Тимур Шиниязовтың 2024 жылғы 5 қарашадағы №174-ө өкімімен Оралбек Кенханов Жәнібек аудандық жер қатынастары бөлімінің басшысы лауазымына тағайындалды.
Аудан әкімнің орынбасары Мирболат Бисенов басшыны ұжымына таныстырып, жаңа қызметіне толайым табыс тіледі.
Оралбек Асылбекұлы 1994 жылы Батыс Қазақстан облысы Жәнібек ауданы Қамысты ауылында дүниеге келген.
2013 жылы ЖБМ «Каспий өңірінің қазіргі замандағы колледжін», 2021 жылы Батыс Қазақстан инновациялық-технологиялық университетін құқықтану мамандығы бойынша тәмамдаған.
Еңбек жолын 2015 жылы Батыс Қазақстан облысы Жәнібек ауданы Қамысты ауылдық округі әкімі аппаратының статисі қызметінен бастап, әр жылдары осы ауылдық округ әкімі аппаратында жетекші маман және бас маман қызметін атқарған.
Арай Сейфолла
Жәнібек ауданы
