Жәнібек ауданында сәуір-мамыр айлары санитариялық тазалық айлығы болып жарияланды. Ағаштар әктеліп, тал-теректер отырғызылып, қыстан шыққан күл-қоқыстар шығарылуда. Аудан орталығы мен барлық елді мекенінде сенбіліктер өтіп, мекеме қызметкерлері мен аудан тұрғындары белсенділік танытуда.
Басшылық та қарап жатпай, өз үлестерін қосып жатыр. Бүгін аудан әкімінің орынбасары Жаннұр Ахметов Қамысты ауылында өткен сенбілікке қатысып, тал-теректер отырғызу шарасына қатысты. Содан кейін аталған ауылдық округ әкімінің міндетін атқарушы Нұрболат Мусин мен аудандық мәслихат депутаты Ринат Мұқатовпен бірге әлеуметтік нысандарды аралап, жұмыс барысымен танысты.
Ринат Геннадийұлы ауылға қатысты бірқатар мәселеге тоқталып, әкім орынбасарын құлағдар етті. Жаннұр Бекбауұлы айтылған барлық мәселені түртіп алып, аудан басшылығына жеткізетіндігін айтты.
Гүлзара Мәди
Жәнібек ауданы
