Жәнібек ауданы әкімі аппаратының басшысы Бекежан Шарафутдиновтың төрағалығымен қаржы пирамидасы мен заңсыз құмарлық ойындарға төтеп беру, алаяқтықтың алдын алу бойынша жиын өтті.
Оған аудан тұрғындары қатысып, Батыс Қазақстан облысы бойынша Тергеп тексеру департаменті Криминалистикалық бөлімінің бас криминалисі, экономикалық тергеп тексеру қызметінің майоры Армат Қолғанатов түсінік жұмысын жүргізді.
– Қаржылық пирамидалардың Қазақстанда өркен жаюына қаржылық институттар мен құралдардың қажетті деңгейде жетілмеуі және халықтың қаржылық сауатының төмендігі себеп болып отыр. Шыны керек, Қазақстандағы ірілі-ұсақты қаржы пирамидалары жыл сайын халықты алдап, ақшасынан айырып жатыр. Өкініштісі, бұдан сабақ алып отырған адам аз, - деді ол.
Кездесуге келген тұрғындар көкейдегі сұрақтарын қойып, тиісінше жауап алды.
Гүлзара Мәди,
Жәнібек ауданы
