Жәнібек ауданы әкімдігінде аудандық мәслихаттың кезектен тыс V сессия отырысы өтті. Сессияда күн тәртібі бойынша бірнеше мәселелер қаралды. Сессия жұмысына аудан әкімі Азамат Сафималиев, депуттар, ауылдық округ әкімдері, бөлім басшылары қатысты.
Алқалы жиында Жәнібек аудандық мәслихатының 2020 жылғы 28 желтоқсандағы «2021-2023 жылдарға арналған Жәнібек ауданына қарасты ауылдық округтердің бюджеті туралы» шешімдеріне өзгерістер енгізу мәселесі қойылды. Қаралған мәселе хақында әр округтің әкімдері сөз алып, хабарлама жасады. Сондай-ақ өз кезегінде аудандық мәслихаттың 2019 жылғы 28 маусымдағы аудан әкімдігі жанындағы бірқатар комиссия отырыстарына өзгерістер енгізу үшін мәселелер қаралды. Бұдан кейін жиналысқа қатысушылар қаралған мәселелер хақында өз сауал-ұсыныстарын жолдап, толыққанды жауаптар алды.
Жиынды аудандық мәслихат хатшысы Т.Қадимов қорытындылады.
Бақытжан Маратұлы,
Жәнібек ауданы
zhaikpress.kz
