Бүгін "Кітапханашы – мәртебелі мамандық" атты Жәнібек аудандық мәдениет үйінің фойесінде 24 қазан – кітапханашылар күніне арналған шара өтті. Оған аудандық орталықтандырылған кітапханалар жүйесінің қызметкерлері мен мектеп кітапханашылары қатысты.
Шара шымылдығын әнші Райымбек Кәрімов "Қазақстан" әнімен ашты.
Аудан әкімінің орынбасары Жақсылық Абдолов сөз алып, кітапханашыларды кәсіби мерекелерімен шын жүректен құттықтап, жылы лебізін білдіріп, қасиетті қазынамызды көзінің қарашығындай сақтап, насихаттап ел игілігі үшін қызмет атқарып жүрген кітапханашыларға алғысхат табыстады. Дәлірек айтсақ, облыстық мәдениет басқармасының басшысы С.Дүйсеновтың алғысхатын кітап қорын өңдеу және толықтыру бөлімінің кітапханашысы Алтынғаным Есетова, оқырман қамту бөлімінің кітапханашысы Айнагүл Тастанова, Күйгенкөл модульді ауылдық кітапханасының кітапханашысы Гүлдара Өтемісова алды. Облыстық Ж.Молдағалиев атындағы кітапхананың директоры Ш.Оразаеваның алғысхатына Борсы ауылдық кітапханасының басшысы Салтанат Дишенова ие болды. Х.Есенжанов атындағы облыстық балалар мен жасөспірімдер кітапханасының директоры Э.Аманғалиеваның алғысхатын Жақсыбай ауылдық кітапханасының басшысы Светлана Айтуғанова иемденді. Аудандық орталықтандырылған кітапханалар жүйесінің басшысы С.Джукинаның алғысхаты аудандық модульді балалар кітапханасының техникалық қызметкері Кәрима Исмағұлова, Ақоба ауылдық кітапханасының техникалық қызметкері Сандуғаш Ғұсманова, аудандық кітапхананың электригі Қайырболат Аманғалиев, аудандық модульді балалар кітапханасының операторлары Берік Халелов пен Дәурен Нәсіпқалиевке бұйырды.
Әрмен қарай ауданның бірнеше мекеме басшылары өздерінің жылы лебіздерін білдіріп, кітапнахашыларға құттықтау хат пен естелік сыйлықтарын табыс етті. Атап айтсақ, "Ардагерлер ұйымы" РҚБ аудандық филиалының төрағасы Амангелді Уәлиев, аудандық ішкі саясат бөлімінің басшысы Ләззат Садирова, аудандық тарихи-өлкетану музейінің меңгерушісі Меңдігүл Фазылова және "Шұғыла" қоғамдық-саяси газетінің директор-редакторы Гүлзара Төреғалиева мерекемен құттықтады.
Сонымен қатар аудандық орталықтандырылған кітапханалар жүйесінің басшысы Светлана Сергоқызы мерекеге орай кітапханашылар арасында кеше өткен "Кітапхана көшбасшысы" интеллектуалды сайысының жеңімпаздарын марапаттады.
Шара барысында мәдениет қызметкері Тамара Кафарова мен кітапхана қызметкерлері ән орындап, көрерменді серпілтті.
Гүлзара Мәди,
Жәнібек ауданы
zhaikpress.kz
