БҚО-да өткен патриоттар форумында танымал өнерпаз Тұрсынбек Қабатов мектептерде домбыра үйірмесін ашу туралы өз ойын білдірген болатын.
Елбасының «Болашаққа бағдар: рухани жаңғыру» атты бағдарламалық мақаласынан туындаған осы бастама аудандық ішкі саясат бөлімінің басшысы Жанар Қошанованың тарапынан қолдау тауып отыр.
Сөйтіп, аудан орталығындағы бірқатар мекеменің басшыларынан құралған топ (барлығы 8 адам) аудандық саз мектебіне келіп, домбыра үйірмесіне жазылады. Қазір олар әр сенбі сайын мектепке келіп, Гүлмира Құбаева, Назгүл Сейтешева сынды ұстаздардан домбыра тартуды үйреніп жүр.
А.ЕСІРКЕПОВ
Жәнібек ауданы
