М.Ықсанов атындағы Жәнібек колледжінде Ұлы Жеңістің 75 жылдығына және Кеңес әскерлерінің Ауған жерінен шығарылғанына 31 жыл толуына орай пневматикалық мылтық атудан ашық турнир оздырылып, оған аудан орталығындағы және ауыл мектептерінің оқушылары қатысты.
Турнирдің ашылуында аталған колледждің директоры Берік Ихсанов пен ауған соғысының ардагері Кәрімжан Аткешов сөз сөйлеп, жарысқа қатысушыларға сәттілік тіледі.
Одан әрі колледж студенті Асылхан Сариевтің орындауында «Бір ел болса» әні шырқалып, спорттық шара өз жалғасын тапты. Аталмыш сайыстың қорытындысы бойынша М.Ықсанов атындағы Жәнібек колледжінің командасы жеңімпаз атанса, Е.Ниетқалиев және Т.Жароков атындағы орта мектеп командалары тиісінше ІІ, ІІІ орынды иеленді. Ал «Мерген атушы» аталымын қыздар арасында Ақбота Ерғалиева, ұлдардан Алихан Ерболатов еншіледі.
Гүлім ҚАБДОЛОВА
Жәнібек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
