Бүгін Жәнібек ауданы әкімдігінде әкімнің орынбасары Мирболат Бисеновтың төрағалығымен ауылдық округ әкімдері мен дербес бөлім басшыларының қатысуымен жиын өтті.
Басқосуда Жәнібек ауданы бойынша шекара басқармасы бастығының орынбасары, подполковник Ғани Қадырханов мал бағу тәртібі, мал ұрлығы және мемлекеттік шекарада шекаралық белдеуде мал бағу тәртібі туралы баяндады.
- Биыл Борсы, Жақсыбай, Жәнібек, Қамысты, Талов, Ұзынкөл ауылдық округтерінде орналасқан шекара бөлімшелерінің аумағында мал иелерінің немқұрайлы бағымының кесірінен РФ аумағына өтіп кету былтыр 25 дерек тіркелсе, биыл 1 жағдай орын алды. Сонымен қатар Жәнібек шекара басқармасының қарамағындағы мемлекеттік шекара бойында орналасқан аудандарында шаруа қожалықтардан жоғалған ірі қара және ұсақ малдардың бір ауданнан екінші ауданға кетіп қалу деректері де тіркелген, - деді шекара қызметкері.
Сол сияқты Батыс Қазақстан облысы әкімінің қаулысымен бекітілген Батыс Қазақстан облысы аумағында ауыл шаруашылығы жануарларының бақылаусыз жайылуының алдын алу жөніндегі ic-қимыл алгоритмі туралы шекараны күзету бөлімінің бастығы Тимур Жанысов айтып өтті.
Гүлзара Мәди,
Жәнібек ауданы,
zhaikpress.kz
