Қазақ қашанда көп балалы болуды қалаған халық қой. Қазір жас отбасылардың өзінде 2-3 баладан бар. «Балаларым – несібем» деп көп баланы дүниеге әкелген аналар әрқашан құрметке ие. Сондай құрмет алты баланы дүниеге әкелген жақсыбайлық Нұрғаным Атошеваға көрсетілді.
Ананың кеудесіне «Күміс алқа» таққан аудан әкімі аппаратының басшысы Бекежан Шарафутдинов: - Ораза айтта сізбен дидарласу – үлкен қуаныш. Бәріміз де анадан тудық, анаға деген құрметтің ерекше екенін жақсы білеміз. Дүниеге ұрпақ әкеліп, еліміздің болашақ патриоттарын тәрбиелейтін сіздер – аналар, аман болыңыздар. Деніңізге саулық, отбасыңызға амандық тілеймін. Бала-шағаңыз аман болсын, - деді.
Қазақстан Республикасы Президентінің 2025 жылғы 4 наурыздағы №807 Жарлығына сәйкес алты бала туып, тәрбиелегені үшін Нұрғаным Әбутәліқызына «Күміс алқа» алқасы табысталды.
- Балаларым Бек, Бексұлтан, Ерген, Замир М.Ықсанов атындағы орта мектеп-балабақша кешенінде білім алуда. Қызым Мәриям балабақшада, ал кіші ұлым Ұлан жастан кетті. «Әр баланың өз несібесі бар» деген нақыл сөз бар ғой. Балаларымыз аман-есен өсе берсін. Әр отбасының көпбалалы болуына, «Күміс алқа», «Алтын алқа» алуына тілектеспін», - дейді алтын асықтай ұл мен қызғалдақтай қыз тәрбиелеп отырған Нұрғаным Әбутәліқызы.
Гүлзара Мәди,
Жәнібек ауданы
