Кеше облыстық отбасылық «Әкем, анам және мен – туристік отбасы» сайысының қорытынды, яғни марапаттау кезеңі өтті. Үш күн бойы тартысқа толы болған додада қатысушылар бір-бірімен етене жақын араласып, достық қарым-қатынасты нығайтты.
Сайысқа Жәнібек, Казталов, Бәйтерек, Тасқала, Бөрлі, Теректі, Ақжайық аудандарының бірлігі жарасқан отбасылары қатысты. Сайып келгенде топтық есепте Теректі ауданы 3-орынды місе тұтса, 2-орынға Ақжайық ауданы лайық болды. Ал жәнібектік Сикеновтер отбасы 1-орынды қанжығасына байлап, жеңіс тұғырынан көрінді. Топ жетекшісі Ерлан Нығметов:
– Иә, біз мығым дайындықпен келдік. Жарыстың ашылу салтанатында Сейфолла Сикенов те жеңістен үміттіміз деп айтты ғой. Міне, барымызды салып, аудан намысын жықпақдық. Сайыс жоғары деңгейде ұйымдастырылыған. Отбасылар 3 күнін өкінбестей өткізді,- деді өз сөзінде.
Жүлдегерлерге естелік сыйлықтар табысталды.
Ақтілек Әлібек,
Теректі ауданы
