Жуырда Орал қаласында қол күресінен жасөспірім қыздар мен ұлдар, ерлер мен әйелдер арасында облыстық жеке және командалық чемпионат өтті.
Аталған жарысқа Орал қаласы, Қазталов, Тасқала, Бөрлі, Қаратөбе, Жаңақала, Сырым, Теректі, Ақжайық, Бәйтерек жəне Жəнібек аудандарының спортшылары қатысты. Сайыста 300-ге жуық спортшы бақ сынады.
Чемпионаттың қорытындысында Жəнібек ауданының спортшылары жақсы көрсеткіштерге қол жеткізді. Атап айтсақ, 2005 жылы туған жасөспірімдер арасында Ғалижан Көшкенғали мен Жалғас Берікқалиев I-ші , Әлімжан Қадыров және Диас Амангельдиев II-орындардан көрінді. Ғалижан Көшкенғали мен Жалғас Берікқалиев қол күресінен Қазақстан Республикасының спорт шеберлігіне кандидат спорттық разряды нормативін орындады.
Сонымен қатар Орал қаласында оқып жүрген аудандық балалар-жасөспірімдер спорт мектебінің түлектері жақсы нәтижеге ие болды. Алиби Төлегенов, Рахат Көшкенғали I орындарды, Диана Жаналиева мен Батырхан Абдоллиев III орындарды иемденді. Спортшыларды жаттықтырған Марал Төлешев.
Жарыста жеңімпаз атанған спортшылар наурыз айында Алматы қаласында өтетін Қазақстан Республикасының чемпионатына жолдама алды.
Гүлзара МӘДИ
Жәнібек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
