Спорт күніне орай спорт клубы қызметкерлері арасында І ашық қалалық спартакиада өтті.
Оған 12 аудан мен бір қалалық спорт клубының командасы қатысып, шағын футбол, асық ату, арқан тартыс, үстел теннисі, садақ ату, волейбол сынды спорт түрлерінен жекелей және команда есебінде бақ сынады.
Жәнібек ауданының аяқдопшылары шағын футболдан қарсыластарын оза шауып, 13 команда ішінен І орынға ие болды. Ринат Ахмулдин «Үздік ойыншы» аталымына ие болды.
Сонымен қатар асық атудан спортшылар ІІ орыннан көрінді. Жалпыкомандалық есепте «Жәнібек» спорт клубының командасы төртінші орынға табан тіреді.
Гүлзара Мәди
Жәнібек ауданы
