Тасқалада оқушылар арасында аудандық тау туризмі жарысы өтті.
Тартысты өткен жарыс нәтижесінде "Жеке" қашықтықта жүлделі І орын Бекжан Мамбетовке бұйырса, ІІ орында Айдар Нигматуллин, ІІІ орынды Санжар Ғилым еншіледі. "Жорғалау" қашықтығында Сайран Сапаш топ жарса, Бағлан Кәрім ІІ орынды, ал Жансая Мулдашева ІІІ орынды иеленді.
Сондай-ақ "Топтық жұмыс" қашықтығында жүлделі І орын Ақтау ОМ командасы иеленсе, ІІ орын Шежін ОМ командасына бұйырды. Үздік үштікте Қ.Сәтбаев атындағы ОМ командасы да бар.
"Байлам" қашықтығында І орын Шежін ОМ, ІІ орын Ақтау ОМ, ІІІ орын Қ.Сәтбаев атындағы ОМ командалары ие болды.
Жалпы командалық есепте Ақтау ОМ командасы жарыс жеңімпазы атанды. ІІ орын Шежін ОМ командасына, ІІІ орын Қ.Сәтбаев атындағы ОМ командасына бұйырды.
Жарысқа қатысушылар ұйымдастырушылар тарапынан диплом, медальмен марапатталды.
Мирлан Тілегенов,
қосымша білім беру педагогы
Тасқала ауданы
zhaikpress.kz
