Алматыда «Almaty Halyk Race – 2023» халықаралық марафоны өтті. Аталған додада Казталов ауданының марафоншылары да бақ сынап жеңіс тұғырынан көрінді.
Халықаралық жарысқа Ресей Федерациясы Қырғызстан, Өзбекстан, Ұлыбритания, Испания, Саха (Якутия) Республикасы және Қазақстанның көптеген аймағынан 1200-ге жуық спортшы қатысты.
Жарыс ересектер және балалар арасында ұйымдастырылды. Ауданымыздың намысын қорғаған Сержан Нұржан бір шақырым қашықтықта топ жарса, Ерхан Талғат 1,5 қашықтықты жүгіріп өтіп, жүлделі І орынға ие болды. Ал үш шақырым қашықтықта жүгіруден Мағжан Нұржан жүлделі ІІ орынға ие болса, Даниял Ғилым үздік төрттікті түйіндеп, қаржылай сыйлыққа ие болды. Ересектер арасында бақ сынаған жерлесіміз Баубек Ілиясов 10 шақырым қашықтықты жүгіріп, мәре сызығына алтыншы жетті.
Асылбек Нәсіпқалиұлы,
Казталов ауданы
zhaikpress.kz
