Ұстаздар күні мерекесіне орай Бәйтерек аудандық жастармен жұмыс жөніндегі ресурстық орталығының ұйымдастыруымен зияткерлік сайыс өтті.
Орал қалалық жастармен жұмыс жөніндегі ресурстық орталығы мен Батыс Қазақстан облысы бойынша «Болашақ» КҚ-ның қолдауымен болған білім додасы «Қазақша Quiz» деп аталды. Онда додада 11 команда сапында Бәйтерек ауданының 50-ге жуық жас мұғалімі бақ сынады. Тартысты сайыс «Жауап», «Біз білетін өлең», «Тұлғаны тап», «Кино көрем», «Бәс» атты кезеңдерден тұрды.
Нәтижесінде бірінші орынды «Қасым қырандары» (Қ.Аманжолов атындағы ЖОББМ), екінші орынды Б.Момышұлы атындағы ЖОББМ ұстаздары, үшінші орынды «Ұшқын жас ұстаздар» (Мичурин МББҚ) иеленді. Барлық қатысушылар аудан әкімінің алғысхатымен марапатталды.
Нұрсұлу Атамекен,
Бәйтерек ауданы
zhaikpress.kz
