Аудан әкімі Әлия Мұханбетжанова бір топ жас спортшыларды қабылдады.
Жуырда Астана қаласында өткен спорттық бағдарлаудан ҚР чемпионатынан спортшыларымыз жүлделі оралған болатын.
Теректі аудандық «Балалар жасөспірімдер туризмі және экология» орталығының спорттық бағдарлау бөлімінің оқытушы-жаттықтырушысы Ерлан Сағыналин жаттықтырған топ – Бекзат Жанғожиев, Донеділ Төлеш, Айару Аманғали, Алина Губашева, Нұртілеу Ерболатов, Шынар Амангелдиева жарыста жоғары нәтиже көрсетті.
Бірнеше дүркін Қазақстан чемпионы болған жастардың арасында спорт шеберлігіне үміткерлер де бар.
-Спорттық бағдарлау әртүрлі қашықтықта жас ерекшелігіне сәйкес жүзеге асады. Шәкірттерім әрбір жарыста жоғары нәтиже көрсетіп жүр. Жуырда Шынар Амангелдиева мен Бекзат Жанғожиев спорт шеберлігіне үміткер атағын алды,-деп Ерлан Русланұлы өз жаңалықтарымен бөлісті.
Жеңімпаздармен жүздескен аудан басшысы Әлия Биғазықызы спортшыларға сәттілік тілеп, алғысхат пен естелік сыйлық ұсынды.
Жауһар Нұрым,
Теректі ауданы
zhaikpress.kz
