Жаңақала ауданы орталығындағы «Тәуелсіздік» саябағында аудандық мәдени-демалыс орталығы мен жастармен жұмыс жөніндегі ресурстық орталықтың ұйымдастыруымен халықаралық Жастар күніне арналған «Жастар fest» мерекелік шарасы өтті.
Алдымен аудан әкімінің орынбасары Ақнұрлы Еслямғалиева барша аудан жастарын Халықаралық жастар күнімен құттықтап, ізгі лебізін білдірді. Сонымен қатар әр түрлі салада қызмет етіп жүрген ауданның жастары аудан әкімінің алғыс хатымен марапатталды.
Әсем ән төгіліп, бимен көркемделген концерттік бағдарламада Ғ.Құрманғалиев атындағы БҚО филармониясының солисті, жерлес әншіміз Сиғатолла Ешкаев кеш қонағы болып келіп, «Жолдар», «Ақ раушан» әндерін көрермендер назарына тарту етті.
Орал қаласынан келген кеш қонағы Шапағат Сәкенұлы өзінің орындауында «Түнгі жарық», «Құнан нары» әндерін жиналғандар назарына ұсынды.
Кеш соңында «Темір-Бүркіт» қоғамдық бірлестігінің демеушілігімен аудан жастары мен қонақтарға арналған от шашу ұйымдастырылды.
Райхан Хамзина,
Жаңақала ауданы
zhaikpress.kz
