Қоскөл ауылдық округінің жастармен жұмыс жөніндегі ресурстық орталығының маманы Эльдар Амантаев ауыл жастарын бастап даладағы аң-құстарға тұз, жем-шөп азықтарын апарып, жанашырлық танытты.
Биылғы қыстың қаһарлы, қардың қалың, боранның жиі бұрқасындатуы әдеттегіден тым жиі болып отырғандығы табиғат жанашырларын алаңдатты.
- Күнделікті өмірде біз өзімізді табиғатқа жақынбыз дейміз. Алайда, мүлдем олай емес секілді. Жүгірген аң, ұшқан құс та, тіпті өсіп тұрған өсімдік те аялы алақанды, жылылық пен мейірімділікті, қамқорлықты қажет етеді. Бүгінгі жасап отырған ізгілікті іс осы мақсаттан туындады, - дейді Эльдар Ниязбекұлы.
Маралбек АМАНТАЕВ
Қаратөбе ауданы
