Таяуда Теректі ауданында «Алтын күз» мерекесіне арналған қазақ күресі өтті. 2008-2013 жылдары туған кіші жасөспірім ұлдар арасында ұйымдастырылған Орал спорт клубының ашық қалалық турнирына 400 жас спортшы қатысты. Олардың қатарында Ақтөбе қаласы, СК Орал мен Жаңақала, Ақжайық, Тасқала,«Жекпе-жек», 4 БЖСМ, Теректі ауданына қарасты Подстепный ауылының спортшылары да бар.
Турнир нәтижесінде, С.Төлеген ( 20 келі салмақ), 1-орынды иеленді. Ал Ә.Төлеген ( 23 келі), Е.Браун (32 келі), Қ.Нұрсұлтан (35 келі), Ә.Бөгенбайлар ( 38 келі) жүлделі 3-орынды жеңіп алды.
Айта кетейік, жас спортшылардың жаттықтырушылары Нұрсұлтан Болат пен Шыңғыс Қажиакбаровтың еңбегі орасан зор.
Елырыс Елмұрат,
Теректі ауданы
zhaikpress.kz
