Сырым аудандық М.Есламғалиұлы атындағы орталықтандырылған кітапханада жазушы, аудармашы, халықаралық "Алаш" әдеби сыйлығының лауреаты, жерлесіміз Мұқадес Есламғалиұлының шығармашылығына арналған онлайн әдеби кеш өтті.
Айта кетейік, Қазақстан Жазушылар Одағының мүшесі М.Есламғалиұлының туғанына 75 жыл толуына орай жазушы шығармашылығын оқырман қауымға кеңінен насихаттау мақсатында алғаш рет ауданымызда облыстық деңгейде "Көрікті ойдың көркем бейнесі" иллюстраторлар байқауы, "Қанатты сөз, қарымды қалам иесі" тақырыбында жыр мүшәйрасы, "Орамды ой, қарымды қалам" тақырыбында эссе байқаулары ұйымдастырылған болатын.
Шарада арнайы комиссия шешімімен анықталған жеңімпаздарды аудан әкімінің орынбасары Асланбек Сарқұлов марапаттады.
"Көрікті ойдың көркем бейнесі" облыстық иллюстраторлар байқауында І орынды бөрлілік Райымбек Саин иеленсе, "Орамды ой, қарымды қалам" тақырыбындағы эссе байқауында сырымдық Райымбек Анатолий жеңімпаз атанды.
"Қанатты сөз, қарымды қалам" жыр мүшәйрасында әріптесіміз Бауыржан Ширмединұлының өлеңі І орынға лайық деп танылып, ақын М.Есламғалиұлына арнаған өлеңін нақышына келтіре оқыды.
Ж.Молдағалиев атындағы облыстық ғылыми-әмбебап кітапханасынан zoom платформасы арқылы қосылған қаламгер Тихон Әліпқали, ардагер ұстаз Нәсіпқали Дәулетов секілді бірқатар тұлғалар, жазушының туысы Рақымжан Орынбайұлы өз естеліктерімен бөлісіп, әдеби кештің әдемі нүктесін қойды.
Айжан Бауыржанқызы,
Сырым ауданы
zhaikpress.kz
