Дәулеткерей Шығайұлының 205 жылдығына арналған «Жігер» республикалық күйшілер байқауы өз мәресіне жетті.
Үміткерлердің дайындығы мықты. Қазылар алқасына кім мықтыны анықтау оңайға түскен жоқ. Сол себепті де күй додасының бас жүлде саны еселенді. Яғни, екі бірдей бас жүлде берілді.
Дүбірлі додада сынға түскен 19 үміткердің ішінен алматылық Іңкәр Күзенбай мен оралдық Тұрлыхан Абуханов қос бірдей бас жүлдені еншіледі. Жүзден жүйрік шыққан қос өнерпаз да 650 мың теңгелік сертификатқа ие болды.
Жүлделі екінші орын және 250 мың теңгелік сертификат алматылық Наурызбек Күзенбаев пен ақтаулық Қадырәлі Бүркітке бұйырды.
Үздік үштіктен оралдық күйшілер Әлихан Есентай, Болат Нұрбол, Әділет Жолдығали көрінді. Әрқайсысына 130 мың теңгелік сертификат табыс етілді.
Қалған қатысушыларға да 30 мың және 50 мың теңгелік ақшалай сыйлық табысталды.
Арайлым Есмағұлова
Бөкей ордасы ауданы
