Бүгін - халықаралық әйелдер күні. Ер азаматтар дүкендерден гүл, торт таңдап әбігер.
Бұл мереке Сырым ауданы, Елтай ауылдық округіндегі Тасқұдық негізгі мектебінің мектепалды даярлық сыныбының оқушысы Таймас Сатымұлы үшін сын болды. Сыныбында 6 оқушы бар. Оның 5 - еуі қыз бала. Арадағы жалғыз жігіт - өзі.
Таймас жолынан жығылған жоқ. Кеше жалғыз өзі 6 шоқ гүл алып, мектепке барды. Сыныбындағы 5 сұлу мен мұғалімін мейраммен құттықтап, әрқайсысына гүл сыйлады. Тамаша сәттің бейнеүзіндісін әкесі Сатым Қажгереев әлеуметтік желіге жариялады.
Сыныптас қыздар оның жігіттігіне риза.
Ал, біздің батыр болса қыздар жігіттерге сыйлық жасайтын 7 мамыр - Отан қорғаушылар күнін асыға күтіп жүр.
Бауыржан Ширмединұлы,
Сырым ауданы
zhaikpress.kz
