ҚР Парламенті Мәжілісінің депутаты Мәлік Құлшар Бөкей ордасы ауданына келген жұмыс сапары барысында «Сайқын-Өнеге-Бисен» республикалық жолының 93 шақырымында «Ақжол құрылысы» ЖШС жолдың салынуы бойынша құрылыс жұмыстарымен танысты.
Құрылысқа жауапты мамандар өз жұмыстарында туындаған мәселелерді депутат назарына ұсынды.
Жол құрылысының қарқын алмауына материал тасымалы кедергі келтіріп отыр екен. Естеріңізге сала кетсек, құрылыс материалдары Ресей арқылы теміржолмен тасымалданады.
- Бастапқыда қарқынды тасымалданған еді. Соңына қарай саябырсып қалды. Оның үстіне тасымалдау бағасы өсті. Вагон да тапшы. Тасымалданатын жүктің де лимиті белгіленген. Лимит түгесілген соң тасымалдану да тоқтайды, - дейді жол мамандары.
Ұлпан Әнуарқызы,
Бөкей ордасы ауданы
zhaikpress.kz
