Бүгін Қаратөбе ауданы №272 Жусандыой сайлау учаскесінде дауыс беру сағат 7.00-де бастау алды. Ең алдымен ашылу салтанатында сөз сөйлеген учаскелік референдум комиссиясының төрағасы Ербол Бақытжанов сайлаушыларға сәттілік тілеп, бақылаушылар құрамын таныстырып өтті.
Сайлауға келген ауыл ақсақалы Болатжан Бекмағамбетов сөз сөйлеп сайлаушыларды құттықтады. Сонымен қатар комиссия төрағасы атынан ең қарт сайлаушы Болатжан атайға естелік сыйлық табыс етілді. Алғашқылардың бірі болып дауыс берген жас сайлаушы Альбина Болатжановаға да сыйлық табысталды.
Референдумның әділ өтуіне «AMANAT» париясынан, Батыс Қазақстан облыстық «Азаматтық Альянысы қауымдастығы» заңды тұлғалар бірлестігінен және «Мұқалмас» республикалық қоғамдық бірлестігі Батыс Қазақстан облыстық филиалы атынан арнайы өкілдер қатысуда.
Жусандыой ауылында тұрғындардың дауыс беру қарқыны жоғары.
Әмірбек Жәнібеков
Қаратөбе ауданы
zhaikpress.kz
