Бұған дейін Жымпиты көшелеріне бағдаршам орнатылғанын жазған едік. Кешеден бастап аудан орталығының көшелеріне электронды экрандар қойыла бастады.
Алғашқы LED - тақта Алашорда көшесінің бойына ілінді. Бүгіннен бастап жаңа экраннан Сырым ауданының тарихи орындары мен ескерткіштері таныстырылуда.
Жымпиты - аудан орталығы ғана емес, тұтас Сырым даласының бет-бейнесі. Сондықтан, кентке өзінің тарихи бояуын жоғалтпау да, жаңа келбетін қалыптастыру маңызды.
Жымпиты ауылдық округінің әкімі Мейрам Қайырғалиевтің айтуынша, LED - тақтаның құны 9 млн теңгені құрайды. Алдағы уақытта Қазақстан көшесінің бойына да экран орнатылуы мүмкін.
Бауыржан Ширмединұлы,
Сырым ауданы
