Жәнібек аудандық мектептен тыс жұмыстар орталығының ұйымдастыруымен ZOOM платформасы арқылы робототехникадан жарыс өтті. Сайыс екі категория, яғни «Робо асық ату» және «Робо арқан тарту» бағыттары бойынша жүргізілді.
Жарысқа Т.Жароков, Ө.Сахипов, Ғ.Сарыбаев атындағы мектептердің, №1 мектеп-лицейінің, Ұзынкөл орта мектебінің оқушылары мен аудандық мектептен тыс жұмыстар орталығының тәрбиеленушілері қатысты.
Нәтижесінде «Робо асық ату» бағыты бойынша I, II, III орындарға сәйкесінше Т.Жароков, Ұзынкөл, МТЖО командалары ие болды. «Робо арқан тартыс» бағыты бойынша І орынға «МТЖО», ІІ орынға Т.Жароков, ІІІ Ғ.Сарыбаев мектептерінің командалары ие болды.
Г.Мәди,
Жәнібек ауданы
zhaikpress.kz
