Саналы ғұмырын ауыл шаруашылық саласына арнаған Замир Сүйеуұлын Шыңғырлау ауданы әкімінің орынбасары Азамат Тәңірбергенұлы зейнет жасына шығуымен құттықтады.
Замир Игильманов 1978-1984 жылдар аралығында Батыс Қазақстан ауыл шаруашылық институтын «Агрономия» мамандығы бойынша тәмамдаған. Зейнет жасына дейін бірнеше жұмыс орнында адал қызмет атқарып, жеріміздің дамуына, экологиясына өз үлесін қосқан Замир Сүйеуұлына А.Бисембаев шапан жауып, атқарған қызметі үшін аудан әкімі Ә.Мұханбетжанованың атынан алғысхат табыстады.
Замир Сүйеуұлын әріптестері қызметіне тиянақты, алғыр қызметкер ретінде, жақындары сабырлы, ашық мінезді, қарапайым жан ретінде біледі. Кездесу барысында келелі ғұмырын елінің даму жолына арнаған азаматқа ақ тілектер айтылып, жылы лебіздер ақтарылды.
Айбарша Лекерова,
Шыңғырлау ауданы
zhaikpress.kz
