Өткен сенбіде Ақжайық ауданы Чапаев ауылында санитарлық-экологиялық айлығы аясында және Орман шаруашылығы қызметкерлерінің күніне орай тал егу акциясы ұйымдастырылды. Оған 500-ге жуық мекеме қызметкерлері жұмылдырылып, екі «МТЗ-80» трактор және екі су таситын көлік тартылды.
Шара Қонаев көшесі бойында орналасқан саябақта ашылды. Аталған акцияға арнайы қатысқан аудан әкімі Қалияр Айтмұхамбетов туған жердің тазалығына немқұрайлы қарамай, сенбілікке белсенді қатысатын барлық мекеме қызметкерлеріне, ауыл тұрғындарына ризашылығын білдірді.
Акция барысында Чапаев ауылындағы Қонаев, Мендалиев және Исаев көшелеріндегі саябақтарға 500 түп көктерек, үйеңкі көшеттерін отырғызды. Оған 16 тонна су тасылып, 9 тонна тыңайтқыш жұмсалды. Жасыл желекті көбейту мақсатындағы сенбілік ауданымыздың барлық ауылдық округтерінде өтті. Соның нәтижесінде аудан бойынша 1400-ден астам ағаш егілді.
Аида Асылбек,
Ақжайық ауданы
zhaikpress.kz
