Бүгін Ақжайық ауданы Алғабас ауылында батысқазақстандық еркін күрестің негізін қалаушы, танымал ардагер-ұстаз Амангелді Зұлқашев және еркін күрестен Қазақстан Республикасының спорт шебері, ҚР еңбегі сіңген жаттықтырушысы Өтеп Молдабекті еске алуға арналған еркін күрестен 2008-2009 жылы туған жасөспірімдер арасындағы республикалық турнир басталды.
Турнир 8-10 маусым аралығында өтеді. Турнирге батыс өңірінің Ақтөбе, Атырау және Маңғыстау облысының жас спортшылары қатысуда.
Күрес додасына еркін күрес ардагерлері, Ақжайық ауданы әкімінің орынбасары Бақберген Абуов, облыстық және аудандық спорт саласының өкілдері қатысуда.
Республикалық турнирдің ашылуы сағ 18.00-ге жоспарланған.
Альфия Шамаева,
"Жайық пресс" ақпарат агенттігі
