Бүгін Қаратөбе аудандық орталықтандырылған кітапхана жүйесінде «Қоғамдық сананы жаңғырту» жобасы аясында «Тарихыңды таны – тұлғаңды құрметте» атты библиофреш өтті.
Атаулы шарада кітапханашылар «Қоғамдық сананы жаңғырту» жобасы аясында ұлттық бірегейлікті қалыптастыру бағытында ауданның мемлекеттік қызметшілеріне өлкетанушы Нұртас Сафуллиннің кітаптарын және кітапхана қорындағы жаңа әдебиеттерді таныстырды.
Өлкетанушы Нұртас Набиоллаұлы өзінің «Аласармайтын асқар тау», «Өрісті өнер өнегесі», «Дария күйдің кемесі», «Туған жер тарихы» атты туындылары туралы қысқаша баяндап, шығармашылық ізденістер кезінде кездескен қызықты оқиғаларды әңгімеледі.
Нұртас Набиоллаұлы мемлекеттік қызметшілер тарапынан қойылған сауалдарға да жауап берді.
Кітапханашы Нұржауған Жәңгірқызы шараға қатысушы мемлекеттік қызметшілерді кітапхана қорына жаңадан келіп түскен кітаптармен таныстырып, жаңа әдебиеттерді алып оқуды ұсынды.
Шараға қатысушы мемлекеттік қызметшілер кітапханадан өз таңдаулары бойынша кітаптар алды.
Ерболат Райсов,
Қаратөбе ауданы
zhaikpress.kz
