Бүгін Жаңақала аудандық спорт кешенінде төтенше жағдайлар бөлімі және №16 өрт сөндіру бекетінің ұйымдастыруымен өртке қарсы қызмет органдарының құрметті ардагері, подполковник Жұматбек Сәрсенұлын еске алуға және Құтқарушылар күніне арналған шағын футболдан аудандық турнир өтуде.
Турнирдің мақсаты – салауатты өмір салтын насихаттап, жастар арасындағы дене шынықтыруды дамыту. Шараның ашылу салтанатына аудан әкімінің орынбасары Ақнұрлы Еслямғалиева, өртке қарсы қызмет ардагерлері, Ж.Сәрсенұлының зайыбы Ира Қайырғалиева қатысты.
Сөз кезегін алған А.Нұрғалиқызы ойынға қатысушыларға сәттілік тілеп, ардагерлерге аудан әкімі Дархан Закариннің алғысхатын табыстады. Жарысқа аудан мекемелерінен 8 команда қатысып, қызықты ойын көрсетуде. Тартысты футболдың нәтижесін газетіміздің алдағы санынан оқи аласыздар.
Нұргүл Елтайқызы,
Жаңақала ауданы,
zhaikpress.kz
