Министрлік жүргізген мониторинг нәтижесінде бұғаттауға ұсынылған 16 сайт анықталды. Сонымен қатар, жастардың санасын улайтын материалдар да жойылған.
“Ақпараттық қолдауда уәкілеттік орган ретінде, әлеуметтік желілерді мониторинг ретінде жұмыстар атқарылды. Жастардың санасын улайтын есірткі, суицидті, зорлық-зомбылыққа қатысты контентті наисхаттайтын 6 мыңға жуық материал бұғатталып, алынды”, – деді ҚР Ақпарат және қоғамдық даму министрлігінің Ақпарат комитетінің төрағасы Қанат Ысқақов.
Министрлік өкілдерінің сөзінше, әлеуметтік зерттеулерге сәйкес ата-аналардың 71,8%-ы балаларды тәрбиелеу кезінде олардың гаджетке, әлеуметтік желіге, интернетке тәуелділігі өзекті мәселе екенін айтқан.
“Осы мәселе ескеріліп, гранттық қаржыландыру шеңберінде "Жастар мен балалар арасында интернетке тәуелділік пен құмар ойындардың алдын алу" әлеуметтік жобасы іске асырылды. Жобаның мақсаты – жастарды интернет-кеңістікте қауіпсіз жүріс-тұрыс ережелеріне үйрету, интернет-тәуелділіктің және құмар ойындарға тәуелділіктің алдын алу үшін жағдай жасау болып табылады”, – деді ҚР Ақпарат және қоғамдық даму министрлігі Жастар және отбасы істері комитетінің төрағасы Қайрат Баймульдинов .
