БҚО тұрғыны қазақстандықтарды 22 млн теңгеге отырғызып кеткен.
Аса ірі көлемде алаяқтық жасады деп ұсталған 53 жастағы әйел тұрғындарға арзан жер телімдерін сатып алуды ұсынған. «Күдікті 25 жәбірленушіге 22 млн теңгеден астам залал келтірген. ҚР Қылмыстық іс жүргізу кодексінің 128-бабының тәртібімен ол уақытша ұстау изоляторына қамалды. Тергеудің бастапқы сатысында әйелдің азаматтардың сеніміне кіріп, оларға жер телімдерін нарықтағыдан төмен бағамен ұсынғаны анықталды. Ол әлеуетті клиенттерден бастапқы жарнаны алып, сосын ізін суытып отырған.
Бастапқы жарна мөлшері жер телімінің орналасуына қарай белгіленген. Әзірге 25 қылмыстық эпизод белгілі болды», деді Алматы қаласы Алатау ауданы полиция басқармасының бастығы Талғат Беркінбаев. Қазіргі кезде әйелдің басқа да қылмыстарға қатыстылығы тексерілуде. Осыған орай аталған әйелден зардап шеккендер болса, полиция қызметкерлері 8-702-448-63-37, 8-711-2-27-55-02 телефондарына хабарласуды өтінеді.
Елжан Ералы,
zhaikpress.kz
