Қазақстан Республикасы Ұлттық ұланының Орал қаласында орналасқан 5517 әскери бөлімінің жеке құрамында Қазақстанның халық жазушысы, көрнекті ақын, драматург, қоғам қайраткері Әбділда Тәжібаевтың туғанына 115 жыл толуына орай «Сыр сүлейі, жыр дүлейі» атты әдеби кеш өткізілді. Бұл туралы ҚР ҰҰ «Батыс» өңірлік қолбасшылығының баспасөз қызметі хабарлады.
Кеш барысында қазақ әдебиетінің көрнекті, талантты өкілі Әбділда Тәжібаевтың өмір жолы туралы айтылып, сарбаздарға бейнематериал көрсетілді. Оның поэзиясы, ұлттық драматургия, зерттеу еңбектері мен сын мақалалары туралы ақпарат берілді.
Сонымен қатар ақынның «Қазақстан», «О, туған тіл», «Сырдария» т.б. өлеңдерін сарбаздар мәнерлеп, нақышына келтіріп оқыды.
Әбділда Тәжібаевтың шығармасы өзіндік ерекшелігімен, ой байлығымен танымал. Ол тынымсыз еңбек етіп, заман мен болмыс рухын жан-жақты көрсететін тұтас бір дәуірдің мол көркем мұрасын қалдырған тұлға.
