Жоғарғы Сот Төрағасының Өкімімен Жоғарғы Соттың БАҚ-пен өзара іс-қимыл жөніндегі жаңа судья-үйлестірушілері тағайындалды деп хабарлайды Жоғарғы соттың баспасөз қызметі.
- Әкімшілік іс жүргізу бойынша Аслан Тукиев (ЖС Әкімшілік істер жөніндегі сот алқасының төрағасы).
Фото: Жоғарғы соттың баспасөз қызметі
- қылмыстық сот ісін жүргізу бойынша Еркеш Мәукен (ЖС судьясы).
- азаматтық сот ісін жүргізу бойынша Марина Боровик (ЖС судьясы).
Оларға Коммуникация бөлімімен бірлесе отырып, сот жүйесінде жүргізіліп жатқан жаңарулар, сондай-ақ судьялар мен сот қызметкерлерінің кәсіби қызметі туралы қоғамның хабардар болуын қамтамасыз ету, сот ісін жүргізу туралы ақпараттық-түсіндіру жұмыстарын жүргізу жүктелді.
БАҚ-пен және қоғамдық пікір көшбасшыларымен өзара іс-қимыл тәсілдерін қайта қарауды талап ететін белсенді коммуникациялардың жаңа шындықтарын ескере отырып, мыналарды қамтамасыз ету жөніндегі міндеттер қойылды:
- БАҚ-қа ашық сот процестеріне қолжетімділік және жабық сот отырыстарында қаралған істер бойынша БАҚ-қа сапалы ақпарат беру;
- үйлестіруші-судьялар мен соттардың баспасөз қызметтерінің біліктілігін арттыру;
- заманауи коммуникациялық құралдарды пайдалана отырып, БАҚ-пен өзара байланыс орнату және т.б.
