Бүгін Түркістан қаласында қазақ күресінен Қажымұқан Мұңайтпасұлын еске алуға арналған ересектер арасында әлем кубогы өтті.
Бірнеше спорт шебері, әлем чемпиондары, Азия кубогының чемпиондары белдескен байрақты бәсекеге 10 мемлекеттің балуандары қатысты.
55 келі салмақ дәрежесінде жерлесіміз, Қазақстан чемпионатының күміс жүлдегері Айбатыр Миразат финалдық бәсекеде түркістандық спортшымен кездесіп, 2 орынға ие болды.
«Баласы атқа шапса, атасы тақымын қысар» демекші, бұл жеңістің артында өмірде де, спортта та қанатын қатайтып баптаған әкесі Айбек Ишановтың да орасан еңбегі тұрғандығын ескермеске болмайды.
Айзада Ақбасова
Жаңақала ауданы
