Бүгін Сырым ауданының әкімі Жұмагелді Батырниязов көп балалы аналарды қабылдап, оларға мемлекеттік наградалар табыс етті.
ҚР Президенті Қасым-Жомарт Тоқаевтың Жарлығымен жымпитылық Жадыра Марксова «Алтын алқаға» ие болды. Жадыра ханым отағасы Думанмен бірге 7 перзент тәрбиелеп отыр.
Осы секілді елдегі демографиялық дүмпуге үлес қосқан Жымпиты ауылдық округінің тұрғыны Замиля Дәулетиярова, бұлдыртылықтар - Жазира Демжанова, Мейрамгүл Шамғұлова «Күміс алқаға» ие болды.
- Бала тәрбиелеп, қоғам тұлғаларын шығарған әр әке, әр ана - біз үшін құрметті. Сіздерге жанұя шырағын жағып, бесік тербеп, елдің дамуына қосқан үлестеріңіз үшін алғыс айтамын, - деді Жұмагелді Жолдыбайұлы.
Бауыржан Ширмединұлы,
Сырым ауданы
