Орал қаласы жастарына Елбасы үндеуін түсіндіру үшін студенттерімен кездесулер жүргізілсе, аудан жастарына түсіндірме жұмыстарын жүргізу мақсатында ақпараттық-түсіндірме тобы құрылып, Ақжайық, Сырым, Қаратөбе және Бөрлі аудандарында болып қайтты.
Аталған аудан жастарына мемлекеттік бағдарламаларды түсіндіріліп, бағдарламалар аясында кеңестер берілді. Және де мәдени ойын-сауық кеш ұйымдастырылып, «Танылмаған талант» атты концерттік бағдарлама қойылды.
Биылғы жылдан бастап облыстық жастармен жұмыс жөніндегі ресурстық орталығы қолға алған 7 (жеті) жобаның бірі - «Танылмаған талант» жобасы. Бұл жоба аясында өткен жылғы байқау жеңімпаздары ақпараттық-түсіндірме тобымен бірге аудандарды аралап, тегін концерттер қоюда. Ондағы мақсат - аудан орталығы мен ауылдық округтердегі жас талантты жастарды ел алдына шығару. Ал қалған 8 ауданға ақпараттық-насихат тобының баруы мен мәдени шаралардың өткізілуі наурыз айына жоспарланған.
Облыстық жастармен жұмыс жөніндегі
ресурстық орталығы
