ҚР Қарулы Күштерінің құрылғанына 25 жыл толуына орай Батыс Қазақстан облыстық жастар ресурстық орталығы қаладағы орта арнаулы оқу орындары студенттерінің қатысуымен жастар арасында «Айбынды жүрек» патриоттық ойындар жарысын өткізді.
БҚО жастар ресурстық орталығының баспасөз қызметінің мəлімдегеніндей, жастарды отансүйгіштікке тәрбиелеу, Отан қорғауға деген намыстарын жану, жастар арасында әскери қызметті насихаттау мақсаттарын көздеген шараға қыздар мен ұлдардан құралған 4 команда қатысқан.
Олар жеке қорғаныс құралдарын кию, жергілікті жерде бағдарлау, АК-74 автоматын бөлшектеу және жинау, ВП-1 пневматикалық винтовкасынан нысаналарды дәлдеп ату, алғашқы медициналық көмек көрсету турлары бойынша сынға түсті.
Жарыс қорытындысы бойынша, Батыс Қазақстан индустриалды колледжінің командасы І орын, Орал гуманитарлық-техникалық колледжінің студенттері ІІ орын, Батыс Қазақстан инженерлік-технологиялық колледжінің жастары ІІІ орынды жеңіп алды. Жеңімпаз командалар естелік сыйлықтармен марапатталды.
zhaikpress.kz
