Биыл жылдың соңына дейін еліміздің барлық өңірінен 10 000-нан астам педагог ата-аналарды педагогикалық қолдау орталығының қызметін ұйымдастыру бойынша білім алады.
Бұл туралы ҚР Оқу-ағарту министрлігі хабарлады.
Бұл бастама балаларды оқыту, тәрбиелеу, дамытумен қатар, позитивті ата-ана болу мәдениетін дамытуда отбасы мен мектептің өзара іс-қимылы жөніндегі жұмысты күшейтуге бағытталған.
Курс қорытындысы бойынша әрбір курс тыңдаушысы өзінің білім беру ұйымының ерекшеліктерін ескере отырып, ата-аналарды педагогикалық қолдау орталығының қызметін жобалау бойынша кәсіби құзыреттілігінің деңгейін бағалауға мүмкіндік беретін қорытындылау жұмысын қорғайды.
