Астана күні мерекесі қарсаңында Орал қаласында велошеру ұйымдастырылды. Қала тұрғындары велосипедпен Жəңгір хан атындағы БҚАТУ ғимараты тұсынан бастап, 7 шақырым жол жүрді.
- Астана қазіргі кезде еліміздің мəртебесін асқақтатуда. Елорданың мерейлі күні мен ЭКСПО көрмесі құрметіне өткен велошеруге 500-ге тарта тұрғын қатысты.
Қаламызда спортттық шаралар жиі ұйымдастырылады. Елбасымыздың тапсырмасы бойынша бұқаралық спортты дамытуға баса көңіл бөлінуде, - деді Орал қаласының əкімі Мұрат Мұқаев шеру мəресі болған П.Атоян атындағы стадион алдында ұйымдастырылған шарада.
Одан кейін велошерушілер арасында ұтыс ойыны ұйымдастырылды. Бес адамның əрқайсына ЭКСПО көрмесіне 2 билет, спорттық киімдер жəне "Жайық самалы" жүзу бассейніне тегін жолдама берілді.
Нұртай Текебаев
zhaikpress.kz
