Көпшілік сау адамның қан қысымы 120/ 80 деп біледі. Бірақ кардиологтар бұл мүлдем дұрыс емес екенін айтады.
Фото: officelife.media
"Жоғарғы" қысым (систолалық) және "төменгі" (диастолалық) қысым бар. Бірінші индикатор жүректің жиырылуы кезінде тамырлардағы қысымды көрсетеді. Ол жүректің соғу жиілігіне және қан тамырларының қарсылық күшіне тікелей байланысты. Екінші индикатор немесе төмен қан қысымы жүрек бұлшықетінің босаңсуы кезінде (диастола) артериялардағы қысымды көрсетеді", - деп түсіндіреді кардиолог Екатерина Руденко.
Қандай қысым қалыпты болып саналады?
"Ересектердегі қалыпты қан қысымы 100/60-тан 135/80-ге дейін өзгереді", - дейді кардиолог.
Кардиолог Анна Кореневич те әріптесін мақұлдайды.
"120/80 – дені сау адамдардың көпшілігінің қысымы. Бірақ 90-нан 60-қа дейін қан қысымы болатын адамдар бар, бұл да норма. Иә, 90-нан жоғары 130-135 қысым да норма болуы мүмкін. Бірақ қысым қалыпты жағдайда 140/90 болса және үнемі көтерілсе, онда ем тағайындау керек. Сонымен норма систолалық қысымның айтарлықтай таралуы – 80-нен 135-ке дейін, диастолалық - 60-тан 90-ға дейін", – дейді кардиолог Анна Кореневич.
Қысым неліктен көтеріледі?
• аритмия,
• миокардит,
• гипертониялық ауру,
• миокард инфарктісі,
• жүрек ауруы,
• инсульт.
Неліктен төмендейді?
• анемия,
• өкпе эмболиясы,
• жедел жүрек жеткіліксіздігі.
"Қан қысымының жиі төмендеуі аритмия, миокардит және перикардит, жүрек жеткіліксіздігі салдарынан болады", - дейді кардиолог Екатерина Руденко.
Бұл тек жүрекке қатысты емес
Гипертония және гипотензия жүрек-тамыр жүйесінің патологиялары туралы ғана емес, сонымен қатар басқа ағза жұмысындағы проблемалар туралы да белгі береді.
"Мысалы, гипертония көбінесе бүйрек ауруы мен эндокриндік жүйенің бұзылуынан болады. Сондай-ақ, қан қысымының көрсеткіштеріне сыртқы факторлар әсер етеді: стресс, демалыстың болмауы, эмоционалды және физикалық шамадан тыс жүктеме, темекі шегу, дұрыс емес тамақтану, климаттың өзгеруі және ауа-райы жағдайлары, кейбір дәрі-дәрмектерді қабылдау", - деп түсіндіреді Екатерина Руденко.
Айта кетейік, бұған дейін кардиолог қан қысымына арналған дәріні қашан ішу керегін айтқан болатын.
Т. Раушанұлы,
massaget.kz
