Шілденің 11 күні жедел-профилактикалық іс-шара жүргізу барысында БҚО ПД Есірткі қылмысына қарсы іс-қимыл басқармасының қызметкерлері "Трамадол" дәрілік препаратын заңсыз сатқаны үшін 20 жасар Орал қаласының тұрғынын анықтап, қолға түсірді. Бұл жөнінде БҚО ПД баспасөз қызметі хабарлайды.
Суреттің дереккөзі: paryz.kz
Аталған факті ҚР ҚК-нің 297-бабы 1-бөлігіне (Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, оларды жөнелту не өткізу) сәйкес сотқа дейінгі тергеп-тексерудің бірыңғай тізіліміне тіркелді.
Қазіргі уақытта заңсыз дәрілік препараттарды сатқан тұлғаларды анықтау бағытындағы рейдтік іс-шаралар әлі де жалғасуда.
zhaikpress.kz
